كشفت الفنانة ياسمين عبد العزيز، عن بعض التفاصيل في حياتها العائلية، وعلاقتها بطليقها أحمد العوضي، وسبب الانفصال الذي أثار الجدل على مواقع التواصل الاجتماعي.
سبب انفصال ياسمين عبد العزيز وأحمد العوضي
حلت الفنانة ياسمين عبد العزيز، ضيفة في برنامج “صاحبة السعادة” الذي تقدمه الإعلامية إسعاد يونس، عبر شاشة قناة “dmc”، وتحدثت ياسمين عن بعض التفاصيل الخاصة في حياتها.
دخلت ياسمين في نوبة من البكاء الشديدة بعد ذكر اسم العوضي، وسؤالها عن تفاصيل الانفصال، مؤكدة أنها ما زالت تعشق العوضي، قائلة: “انا مش لسه بحب أحمد أنا بعشقه.. والطلاق بيحصل بعد مشاكل كتير مش بيجي مرة واحدة”.
وأكملت: “أنا عارفة إن أحمد كمان بيحبني وهو عارف إني بحبه، بس في سبب من الأسباب أنا مينفعش أتكلم فيه، ومش خيانة خالص أقسم بالله، علشان في ناس كتير مؤذية، ناس مبيعملوش حاجة غير إنهم يأذوني بقالهم سنين، وفيه ناس بتحبنا وحابين نبقى مع بعض، لكن في ناس تانية شريرة وبتسخن وحقودة، وناس قلبها بيكون أسود ميعرفوش يعني إيه حب”.
زواج ياسمين عبد العزيز بعد انفصالها عن العوضي
ووجهت إسعاد يونس، سؤالًا لياسمين عن هل من الممكن أن تتزوج مرة آخرى، وردت ياسمين: “أنا طول عمري وأنا متجوزة وعمري ما كنت سنجل، وحتى لما أطلقت أول مرة أتجوزت أحمد على طول، وأنا حبيبة ومعرفش أكون لوحدي، بس أعمل إيه بقى في قلبي”.
وأضافت: “أحمد هو أول حب في حياتي، وهو الحب الحقيقي، وأنا عملت استخارة وعملت عمرة، ودعيت ربنا اللي عايزه يكون”.
وعند سؤالها عن تصرفها عندما تلتقي بالعوضي وجهًا لوجه في إحدى المناسبات، قالت: “مش عارفة، بس أنا طول الوقت بهرب، وبفتح الفيسبوك ألاقي أنا وهو وإحنا حاضنين بعض، وأفتح التيك توك ألاقي عاملين لنا فيديوهات، والحاجات دي بتوجع القلب”.
خضوع ياسمين عبد العزيز لعملية جراحية للإنجاب
وتحدثت ياسمين عن الوعكة الصحية التي تعرضت لها مؤخرًا، قائلة: “كنت داخلة أشيل الأكياس عشان أحمل من أحمد العوضي بعد مسلسل اللي ملوش كبير وأنا حملت في ولادي الإتنين بالطريقة دي بردو”.
وتابعت ياسمين، قائلة: “حصلي غلطة طبية في العمليات وكنت هموت فيها بس ربنا كتبلي عمر جديد.. وحب الناس ده من عند ربنا وهو اللي سخرهم انهم يدعولي”.
وأكملت: “أنا عملت 6 عمليات وقتها كانوا 4 فى مصر و2 بره مصر.. ولما سافرت مع بنتي في الأول قبل ما أحمد العوضي يجيلي بسبب مشاكل في الفيزا حسيت إن ربنا عايز يوصلي حاجة إنى ماليش غيره”.
رأي ياسمين عبد العزيز في دخول أبنائها مجال الفن
وتطرقت ياسمين في حديثها عن أبنائها، وعن رأيها في دخول بنتها في مجال التمثيل، قالت: “أنا مش عاوزة بنتي تكون زي، لا تكون بتمثل ولا تكون شقية، أنا بنتي كيوت وغيري ورقيقة بزيادة، وساعات بتنسى إن أنا ماما، وساعات بفكرها إن أنا ماما، وبخلي ولادي ديمًا يتكلموا عادي معايا ومبقدرش اشوف كدا، وبقولهم أنا جيباها من تحت”.
وأضافت ياسمين: “أنا مش عاوزاهم يطلعوا مشاهير، وبكرههم في الموضوع ده من زمان، وبالنسبالي أنا شايفة إن الشهرة حاجة مش حلوة، وأنا قولت لبنتي أنتِ حرة تروحي وتيجي براحتك ومحدش بيضايقك، وسستمتهم على الطريقة دي”.
أقرأ أيضًا:
وتابعت: “أنا أم لذيذة جدًا، وفي الأول والآخر دي حياة أولادي ولازم أسيبهم يعملوا اللي هما عاوزينه، لكن بعد ما ربيتهم، وأنا كنت شقية جدًا، لكن ولادي مش كده”.
