Jannah Theme License is not validated, Go to the theme options page to validate the license, You need a single license for each domain name.
فن ومجتمعTOP NEWS

النقد الحرام أهو.. نجوم العتاولة يردون على انتقادات طارق الشناوي للعمل

أعرب نجوم مسلسل العتاولة، عن استيائهم من أسلوب الناقد الفني طارق الشناوي في انتقاد المسلسل، وأشارت الفنانة زينة إلى تدخل الناقد في أمور شخصية لا يصح انتقادها، بالإضافة إلى تضامنها مع السقا بسبب انتقاد دوره خلال المسلسل.

رد أحمد السقا على انتقادات طارق الشناوي

حل أحمد السقا وطاقم عمل مسلسل “العتاولة”، في ضيافة الإعلامي عمرو أديب، في برنامجه “الحكاية” المذاع عبر شاشة قناة MBC، ورد السقا على انتقاد طارق الشناوي لدوره في العمل، قائلًا: “مش معجب بأدائي وشايف إني ممثل ضعيف وأنا بقوله إن شاء الله اجتهد أكتر من كدا علشان أنال رضاه وبحترم وجهة نظره”.

أحمد السقا مع عمرو أديب
أحمد السقا مع عمرو أديب

وتابع: “النقد غير التجريح وغير الانتقاد، وطارق الشناوي شخصيًا لما بنتقابل بيقول عني كلام كويس جدًا، وأنا بحترمه وبحترم وجهة نظره إني مبعرفش أمثل، وأوعده إني هطور من نفسي وهشتغل مع مدرس تمثيل”.

زينة تهاجم طارق الشناوي بسبب السقا

وتضامنًا مع السقا، ردت الفنانة زينة على انتقادات الشناوي أثناء حلولها ضيفة في برنامج “الحكاية”، قائلة: “ليا طلب عند طارق الشناوي إحنا معندناش كذا حد ممكن يعمل اللي أحمد السقا بيعمله، ولما تنتقد انتقد العمل كله ومشاهده، ويبقى فيه نقد بناء ميبقاش فيه عشوائية في النقد، أنا بعزك جدًا ولكن بقالك فترة فيه تجاوزات في نقدك حتى ليا”.

زينة والسقا في مسلسل العتاولة
زينة والسقا في مسلسل العتاولة

وتابعت: “أنا بقول لطارق الشناوي اتكلم عن العمل بس لكن متنتقدنيش أنا، هو قال إني أنا سبت البطولة المطلقة، علشان أعمل مشهد في العتاولة، لأ أنا ليا الشرف إني أشتغل مع نجوم زي أحمد السقا وطارق لطفي وباسم سمرة”.

رد زينة على انتقادات الشناوي لحياتها الشخصية

وأكملت زينة: “أنا لما عملت الليلة وكل اللي فيها نجح وكسروا الدنيا، وجه ينتقد العمل قال أخيرًا زينة خرجت من مشاكلها، أنت مالك ومال الكلام ده ولما جيت عملت العتاولة قال زينة سابت البطولة المطلقة وزعلانة، لأ أنا مش زعلانة وأنا بشارك في عمل مع نجوم كبار وأحمد السقا اسم كبير وطارق لطفي وباسم سمرة، وشركة كبيرة زي شركة الصباح”.

زينة في برنامج الحكاية
زينة في برنامج الحكاية

وتابعت: “عارفة انك بتحبني، لكن مينفعش تتكلم عن طموحاتك الشخصية ليا، اتكلم وانتقد بحيادية عشان استفيد منك، ولما تيجي تقولي حاجة تكون بناءة، حتى الأجيال الجاية كمان تستفيد”.

تعليق طاقم عمل العتاوله على الانتقادات

كما رد الفنان مصطفى أبو سريع، على الانتقادات التي وجهت له بعد المسلسل، قائلًا: “مينفعش أكون أنا ناقد وانتقد بطريقة أصلًا تنتقد، كده بقى يبقى النقد الحرام أهو، وفي سيدة ناقدة قالت عني كلام بسبب أنها شافت مشهد من المسلسل فحكمت على الدور كامل، ولكن إنت المفروض تشوف عمل وبعدين تبقى تقيم ومينفعش تنتقد حاجة بطريقة فيها تجاوز”.

مصطفى أبو سريع
مصطفى أبو سريع

أقرأ أيضًا:

كما علق أيضًا المخرج أحمد خالد موسى، على الانتقادات التي وجهت للمسلسل، قائلًا: “قناة إم بي سي، من أهم المحطات في الشرق الأوسط، وطلبت من المسلسل جزء تاني وبنفس الأبطال، فأكيد مش هيعملوا كل ده مجاملة، لأن أي حد يقدر يكون موجود في المكان ده والميعاد ده وفيه تقارير بتوري نسب المشاهد الحقيقية”. 

زر الذهاب إلى الأعلى